Эланга айни вақтда дунёнинг энг кучли ҳужумчиси ким эканлигини айтди

Антони Эланга Александр Исакни дунёнинг энг яхши ҳужумчиси, деб атади. 

Эланга ва Исак Швеция терма жамоасида биргаликда тўп тепишади. "Ньюкасл" ҳужумчисига "Ливерпуль" ва "Ал-Ҳилол" клублари қизиқиш билдираётгани хабар қилинганди. 

"Алекснинг савиясидаги ўйинчилар атрофида ҳар доим шов-шувлар кўп бўлади. У ҳар доим диққат марказида. 

Мен учун у "дунёдаги энг яхши ҳужумчи. Шунингдек, маслаҳат сўрашим мумкин бўлган ажойиб инсон. Исак доимо менга ёрдам беришга тайёр ва мен ундан жуда миннатдорман", - деди "қарғалар"нинг янги футболчиси. 

Таъкидлаш керак, "Ньюкасл" уни ўтган ҳафта "Ноттингем Форест"дан 55 миллион евро эвазига сотиб олди.