ЕЛ. "Ливерпуль" камбэк қила олмади, "Рома" ва "Байер" эса ярим финалда

Европа лигасининг чорак финалидан ўрин олган жавоб учрашувлари ўз ниҳоясига етди. 

Дастлабки ўйинда 3:0 ҳисобида мағлуб бўлган "Ливерпуль" иккинчи баҳсда "Аталанта" дарвозасига битта гол урди. Иккала ўйин натижасига кўра, бергамоликлар ярим финалга йўл олди. 

"Рома" "Милан"ни жавоб учрашувида ҳам мағлуб қила олди. Дастлаб, Манчини ҳисобни очган бўлса, Дибала фарқни иккитага ошириб қўйди. Шундан кейин Габбия ҳисобни қисқартирди. 

"Вест Хэм" - "Байер" тўқнашувида томонлар дурангга имзо чекди. Антонио жамоасини олдинга олиб чиққанди, лекин сўнгги дақиқаларда Фримпонг ҳисобни тенглаштирди. 

Шу тариқа, ярим финалда "Байер" "Рома"га қарши ўйнайдиган бўлди.