Эдита Миробидова аёллар ўртасида U-20 Осиё Кубоги саралаш баҳсларида ишлайди

2024 йилда мамлакатимизда ўтадиган аёллар ўртасидаги U-20 Осиё Кубоги финал босқичи учун саралаш баҳслари бошланмоқда.

Жорий йилнинг 8-12 март кунлари Камбоджада мазкур мусобақа учун саралаш баҳслари бўлиб ўтади. “G” гуруҳи вакиллари Мьянма, Малайзия, Покистон ва мезбон — Камбоджа финал босқичи учун кураш олиб боришади.

Эътиборли томони, Осиё футбол конфедерасияси томонидан мазкур саралаш раундида ФИФА ҳакамимиз Эдита Миробидова ҳам тайинлов олган, - дея хабар бермоқда Ўзбекистон футбол ҳакамлар маркази.