ЕЧЛ. "Ювентус" ғалаба қозонди, аммо мусобақа билан хайрлашди

"Ювентус" Чемпионлар лигаси плей-офф жавоб учрашувида "Галатасарай"ни 3:2 ҳисобида мағлуб этди, бироқ икки ўйин натижасига кўра мусобақани тарк этди.

37-дақиқада Мануэль Локателли пенальтидан ҳисобни очди. 49-дақиқада Ллойд Келли тўғридан-тўғри қизил карточка олиб, майдонни тарк этди. 70-дақиқада Федерико Гатти гол урди, 82-дақиқада эса Уэстон Маккенни ҳисобни йириклаштирди.

Учрашув қўшимча вақтга ўтди. Қўшимча бўлимнинг биринчи қисми охирида Виктор Осимхен Бариш Йилмаз узатмасидан сўнг гол урди. 119-дақиқада эса Йилмазнинг ўзи ҳам дарвозани ишғол қилди.

Шу тариқа, "Ювентус" ғалаба қозонганига қарамай, икки ўйин натижасига кўра мусобақадан чиқиб кетди.