Дрикус дю Плесси ва Хамзат Чимаев тўқнашуви учун захира жангчиси тайинланди

Ўрта вазн тоифасида UFC чемпиони Дрикус дю Плесси (23-2) ва чеченистонлик Хамзат Чимаев (14-0) ўртасидаги тўқнашувда Нассурдин Имавов захира жангчиси сифатида тайинланди. Бу ҳақда Франциянинг "RMC Sport Combat" портали хабар бермоқда.

Имавов (16-4) охирги марта февраль ойида октагонга кўтарилиб, Исраэль Адесаньяни иккинчи раундда техник нокаут билан мағлуб этган эди. У айни пайтда тўрт жангдан иборат ғалабали серия қайд этмоқда. 

Эслатиб ўтамиз, Дю Плесси ва Чимаев қарама-қаршилиги 17 август куни "UFC 319" турнирида бўлиб ўтади.