Доннарумманинг нархи аниқ бўлди, дарвозабон иккита таклифни рад этди
- 9-август 2025, 07:34
- Zohir Toshxo’jayev
- 0
- Футбол
Европа Чемпионлар лигасининг амалдаги ғолиби “Пари Сен-Жермен” янги шартнома имзолашга кўнмаган асосий дарвозабон Жанлуижи Доннаруммани трансферга қўйган эди.
Энди парижликлар 26 ёшли голкипер учун қанча сўраётгани маълум бўлди.
Give Me Sport сайти журналисти ва футбол инсайдери Бен Жейкобснинг маълум қилишича, францияликлар италиялик дарвозабонни 26 миллион фунт (қарийб 30 миллион евро) эвазига қўйиб юборишга тайёр.
Transfermarkt порталида Жанлуижининг нархи 40 миллион евро экани кўрсатилган. Бироқ парижликлар уни тезроқ сотиб юбориш учун арзон нархлади.
Доннарумманинг ўзи Англия Премьер-лигасида ўйнашни истаяпти. Шу боис маҳоратли дарвозабон Туркиянинг “Галатасарой” ва Саудия Арабистонининг “Ал-Иттиҳод” клубларидан бўлган таклифларни рад этди.