Диёр Имомхўжаев: "Суперлига учрашувларининг энг яхши футболчисини энди Спорт ТВ шарҳловчилари аниқлайди"

Суперлигада учрашувларнинг энг яхши футболчисини энди комиссарлар аниқлаб бермайди. Бу ҳақда ЎзПФЛ раҳбари Диёр Имомхўжаев телеграмдаги саҳифасида маълум қилди. 

"Coca-Cola Суперлига учрашувларининг энг яхши футболчисини танаффусдан кейин Спорт-ТВ шарҳловчилари аниқлаб беради. Про-лига учрашувларининг Футбол ТВ томонидан трансляция қилинадиган учрашувларида ҳам шу асосда ишланади.

Трансляцияси мавжуд бўлмаган учрашувнинг энг яхши футболчисини аниқлашда ҳудудий футбол ассоциацияси вице-президенти ёрдамга келади. Бу иш билан эндиликда комиссар шуғулланмайди.

Учрашув инспектори эса чалғимасдан ўз ҳакамларини кузатади, баҳолайди, ўргатади", - деди ЎзПФЛ бош директори.