Диогу Жотанинг ўлими шу икки юлдузни олишга сабаб бўлди!
- 3-октябр 2025, 06:22
- Zohir Toshxo’jayev
- 0
- Футбол
Англиянинг амалдаги чемпиони “Ливерпуль” бош мураббийи Арне Слот ёзги трансферлар даврида рекорд суммага Александер Исаак ва Уго Экитике олингани ҳақида маълумот берди.
Кўпчиликни “қизиллар” нега бир позицияда ўйнайдиган икки ўйинчини бир пайтда жамоага қўшиб олгани қизиқтираётган эди. Арне Слот бу масалага ойдинлик киритди.
- Биз ҳужум чизиғини 9-рақам позициясида ўйнайдиган икки футболчи билан кучайтирдик. Диогу Жота билан юз берган фожиадан кейин бу нуқтага битта ҳужумчи камлик қилишини англаб етдик.
Бошида биз Дарвин Нуньеснинг ўрнига бошқа ҳужумчи олишни режалаштиргандик. Бироқ кейинчалик иккита янги ижрочини трансфер қилиш вариантини танладик.
Бу жараённинг бошидаёқ Александер Исаак ва Уго Экитике жамоага керак экани маълум бўлганди, - деб изоҳ берди Арне Слот.
Эслатиб ўтамиз, мерсисайдликлар Экитике трансфери учун 95 миллион евро сарфлади. Александер Исаакнинг “Ливерпуль”га ўтиши 145 миллион еврога тушди ва бу Англия футболида рекорд даражадаги энг қиммат трансфер бўлди.