Дилшодбек Рўзметов "Странжа" турнири финалига чиқди. У сўнги жангда россиялик боксчига қарши рингга кўтарилади

Болгарияда давом этаётган “Странжа” турнирининг ярим финал баҳсида яна бир юртдошимиз ўз жангини ўтказди. -81 кг вазн тоифасида турнирда иштирок этаётган Дилшодбек Рўзметов украиналик Максим Коцга қарши рингга кўтарилди.

Дастлабки раундлардан устунликни ўз қўлига олган ҳамюртимиз ҳакамларнинг якдил қарорига кўра, 5J ҳисобида зафар қучди ва финалга йўл олди.

Уни финалда россиялик “панчер” Руслан Колесников кутиб турибди. Мазкур ҳал қилувчи жангда ҳам юртдошимизга омад ёр бўлишини тилаб қоламиз!