Дани Алвеш: Роналду Мессидан кўра яхшироқ

Мексиканинг "Пумас" клуби ҳимоячиси Дани Алвеш “Манчестер Юнайтед” ҳужумчиси Криштиану Роналду билан яхши дўст эканлиги ҳақида гапирди. Бразилиялик футболчининг айтишича, унга 37 ёшли португалиялик футболчи ПСЖ ҳужумчиси Лионель Мессидан кўра яхшироқ.

"Мен Роналдуни жуда ҳурмат қиламан. Айни пайтда биз "Барселона" ва "Реал"да эмасмиз, шу боис, мен бу ҳақда айта оламан. У меҳнат ортидан барча нарсага эришиш борасида барчамиз учун ажойиб намунадир. Роналду ҳамма учун ўрнак бўла олади. Мен ҳам уни жуда ҳурмат қиламан. Футболчи сифатида мен Мессидан кўра Криштиануга яхшироқ. Ахир, Лионель табиий истеъдод. У футбол ўйнаш қобилияти билан туғилган. Роналду эса ўз меҳнатлари эвазига барчасига эришган", - дейди Дани Алвеш.

39 ёшли Алвеш ва Роналду 2009 йилдан 2016 йилгача Ла Лигада рақиб бўлган, ўшанда Дани "Барселона"да, Криштиану эса "Реал"да ўйнаган.