Дана Уайт Том Аспиналлнинг фикрларини кескин танқид қилди!

Аввалроқ, Том Аспиналл, агар унга яқин дўсти — хорватиялик жангчи Анте Делия билан жанг таклиф қилинса, у ҳолда чемпионлик камарини бўшатишини айтган эди.

UFC президенти Дана Уайт эса бу фикрни кескин танқид қилди:

“Мен буни ёмон кўраман. Аввал ҳам кўп дўстлар, ҳатто қариндошлар бир-бири билан жанг қилишган. Бу сизнинг кимнидир ёқтиришингиз ёки ёқтирмаслигингизни белгиламайди — бу шунчаки рақобат, ким энг зўр эканини аниқлаш. Аммо унинг танлови шунақа бўлса, майли. Фақат чемпионлик камарини бўшатиш ҳақида ўйлашнинг ўзи — мутлақо тентаклик”, - деди Дана "TNT Sports" эфирида.

Маълумот учун, UFC даги дебютида Марчин Тыбурани нокаут билан енган Анте Делия промоушеннинг оғир вазн тоифаси рейтингида 9-ўринни эгаллаб турибди.