Дана Уайт: "Макс Холлоуэй билан жанг Дастин Порье учун алоҳида аҳамиятга эга"

UFC президенти Дана Уайт 36 ёшли таниқли жангчи Дастин Порье ҳақида илиқ гаплар айтди.

"Дастин Порье - ҳақиқий юлдуз. У спортда ақл бовар қилмайдиган ишларни амалга оширди.  Макс Холлоуэй билан жанг унинг учун алоҳида аҳамиятга эга. Дастин ўз фаолиятини Нью-Орлеанда тугатишни орзу қилганди. Биз эса буни амалга оширяпмиз. Чунки у жуда катта ҳурматга лойиқ!" - дея Уайтнинг сўзларини келтирди "ММА Fighting". 

Эслатиб ўтамиз, Порье (30-9-1 N/C) ва Холлоуэй (26-8) тўқнашуви 19 июль куни "UFC 318" турнирида ўтказилади. Мазкур баҳс Дастин учун фаолиятидаги энг сўнгги жанг бўлади.