Дана Уайт Арман Царукян ҳақида нималар деди?

UFC промоушени президенти Дана Уайт енгил вазн рейтингида 1-ўринни эгаллаб турган Арман Царукянниинг карераси ҳақида кескин фикр билдирди. 

"Ман Арманни ўйиндан чиққан деб атамаган бўлар эдим. Унда чемпионлик учун имкониятлар етарлича эди. Лекин у энг муҳим ҳолатда нималар қилгани барчангизда ёдингизда бўлса керак. Энди унда яна шундай имконият бор ва камар учун даъвогарликка қайтиши керак. Мен рейтингдаги рақамларга тупураман", - деди Уайт.

Кўпчилик Арманни яқинда Ден Хукерни мағлуб этганидан сўнг камар учун асосий даъвогарга айланишини кутган эди. Бироқ воқеалар ривожи ўзгариб кетди. Енгил вазннинг вақтинчалик чемпионлик камари учун Педди Пимблет ва Жастин Гэтжи даъвогарлик қилади.