“Даҳшат”! Анчелотти кескин танқид билдирди!

Европа Чемпионлар лигаси умумий босқичидаги сўнгги учрашувда “Реал” футболчилари Францияда “Брест”ни 3:0 ҳисобида мағлуб этди.

Родригонинг дубли ва Жуд Беллингемнинг бир голи мадридликларни тўғридан-тўғри плей-оффга олиб чиқмаган бўлса-да, уларга мусобақадаги иштирокини давом эттириш ҳуқуқини кафолатлади.

Беллашувдан кейин Карло Анчелотти Чемпионлар лигасининг янги форматини кескин танқид қилди.

- Янги формат ҳақида нималар дейишим мумкин? Ўйинлар сони жуда кўп. Жуда кўп ўйнашга мажбур бўляпмиз. Биз учрашувлар сонини камайтиришимиз керак, аксинча янгилари қўшилиб кетяпти.

Бу формат менга ёқадими ёки йўқ, бу аҳамиятсиз. Лекин ўйинлар даҳшатли даражада кўп. Танлаш имконимиз йўқ, Чемпионлар лигасини борича қабул қилиб, олға қадам босиш керак, - деди Карло Анчелотти.

Чемпионлар лигасининг кейинги босқичига қуръа 31 январь куни ташланади. Мусобақанинг умумий босқичидаги ўрнидан келиб чиққан ҳолда, мадридликлар “Селтик” ёки “Манчестер Сити”га рўбарў бўлади.