“Челси”нинг йўли очилди: “Бавария” “Барса” юлдузи учун курашдан чиқди

Лондоннинг “Челси” клуби “Барселона” ҳимоячиси Жюль Кунде учун курашда сезиларли устунликка эга бўлди.

TEAMtalk нашри хабар беришича, Мюнхеннинг “Бавария” клуби қишки трансфер ойнасида француз футболчиси учун курашмасликка қарор қилган. Бу эса “Челси”ни футболчини қўлга киритиш учун асосий даъвогарга айлантирмоқда.

Лондонликлар бош мураббийи Хаби Алонсо ҳимоянинг ўнг қанотини кучайтиришдан манфаатдор ва 27 ёшли ҳимоячини бу вазифа учун идеал номзод деб ҳисоблайди. Чунки клуб бу позицияда ўйнаётган Мало Гюстони сотиб юбориш имкониятини кўриб чиқмоқда. Кунде эса унинг ўрнини бевосита эгаллаши мумкин.

Франциялик футболчининг ўзи Каталониядан “Стэмфорд Бриж”га кўчиб ўтишга қарши эмас. У 2022 йилда ҳам “Челси”га ўтишга жуда яқин келган, аммо кейинчалик “Севилья”дан “Барселона”га ўтган эди.

Жорий мавсумда Ханси Флик қўл остида француз ҳимоячиси Эрик Гарсия ва Жоау Канселуга рақобатда ютқазиб, асосий таркибдаги барқарор ўрнини йўқотди.

“Барселона” раҳбарияти футболчининг атрофидаги вакилларга уни 2027 йилда сотишга тайёрлигини билдирган. Шунингдек, клуб келаётган январь ойидаёқ таклифларни кўриб чиқиш имкониятини ҳам истисно этмаяпти.

Мюнхенликлар қишда француз ҳимоячисини сотиб олишни режалаштирмаётгани ҳақидаги маълумотни Билд нашри инсайдери Кристиан Фальк ҳам тасдиқлади.

- “Бавария” Жюль Кундени “Барселона”дан январь ойидаги трансферини кўриб чиқмоқда, деган гаплар ҳақиқатга тўғри келмайди.

Жюль Кунде қизиқарли футболчи бўлиб қолмоқда, аммо ҳозирда клубга у керак эмас. Айниқса, унинг трансфери 80–90 миллион евро атрофида бўлса. Бу позицияда Конрад Лаймер жуда яхши ўйнамоқда, - деб ёзди журналист.

Шундай қилиб, Лондон клубида анчадан бери режалаштирилаётган трансферниёқ қишда амалга ошириш учун ажойиб имконият пайдо бўлмоқда.