“Челси”нинг 60 миллионли таклифи ерда қолди

Европа Чемпионлар лигаси ғолиби “Челси” раҳбарияти “Интер” чемпионлигига муносиб ҳисса қўшган марокашлик ҳимоячи Ашраф Ҳакимининг трансфери учун 60 миллион евро таклиф қилган эди.

Бироқ, миланликлар бу таклифни қабул қилмади ва 22 ёшли футболчининг нархи 80 миллион евродан кам эмаслигини таъкидлади. Аввалроқ, ПСЖ ҳам бу ҳимоячига оғиз солган эди.

Айни пайтда “Челси” мутасаддилари Ҳакими учун 60 миллион еврога ўйинчиларидан бирини қўшиб бериш ҳам таклиф қилмоқда. Улар Италияга ҳимоячилардан Эмерсон Палмьери ёки Андреас Кристенсенни жўнатмоқчи.

Клублар ўртасида музокаралар давом этмоқда.