“Челси” раҳбарияти жамоанинг ужум чизиғини кучайтириш мақсадида қанот ҳужумчиси олишга қарор қилди.
The Guardian нашрининг маълум қилишича, Томас Тухель бу амплуага “Милан” вакили Рафаэль Леау ва “Бавария” юлдузи Серж Гнабрини мўлжалламоқда.
Аслида “аристократлар” бу позицияга Англия чемпионатига мослашган “Лидс” етакчиси Рафиньяни олишни режалаштирган эди. Бразилиялик футболчи катта эҳтимол билан “Барселона”га ўтиб кетадиган бўлиб турибди.
Шу боис, “Челси” захира варианти сифатида Леау ва Гнабри учун курашга қўшилди. “Милан” вакили чемпионлик мавсумига катта ҳисса қўшганидан кейин клуб раҳбариятидан маошини сезиларли оширишни талаб қилмоқда.
Гнабри ҳам “Бавария”дан янги шартнома учун хизмат ҳақини оширишни сўраган. Европа трансфер бозорида ҳар икки ҳужумчининг харидори кўп.