"Челси" яна бир ҳужумчини ўз сафига қўшиб олмоқчи

Фабрицио Романонинг сўзларига кўра "Челси" Виктор Осимхенни "Наполи"дан ижарага олмоқчи.

Бироқ, "The Standard" нашри "неаполликлар" давом этаётган трансферлар ойнасида ўз юлдуз форвардини олиб қолиш ҳаракатида эканлиги ҳақида хабар берди. Клуб спорт директори Жованни Манна яқинда "Sky Sports Italia" нашрига берган интервьюси давомида:

- Виктор бизга керакли футболчи. Айни дамда жамоаниннг идеал ҳолатини сақлаб қолишга ҳаракат қилдик. Биз бундай вазиятдаги ягона клуб эмасмиз. Кейинги 10 кун давомидаги воқеалар ривожини кузатамиз. Осимхеннинг атрофидагилар билан доимий алоқадамиз, - деб ўтган эди.

Эслатиб ўтамиз, ПCЖ хам нигериялик футболчини ўз сафига қўшиб олмоқчи эди. Бироқ томонлар келиша олмагани сабабли парижликлар Осимхен учун курашдан чиққанлиги маълум қилинган эди.