“Челси” 400 та гол урган 18 ёшли форвардга харидор
- 20-декабр 2023, 11:02
- Zohir Toshxo’jayev
- 0
- Футбол
“Челси” клуби бутун дунёдан ёш ўйинчиларни кузатиб боради ва ўзига маъқул келганларини трансфер қилади.
“Аристократлар” ўтган йилнинг ўзида 20 ёшгача бўлган футболчилар трансферига 200 миллион фунт сарфлаб юборди.
Айни пайтда лондонликлар Сербиянинг “ИМТ” жамоаси ҳужумчиси Милош Луковични кузатиб бормоқда. Лукович 15 ёшдан 21 ёшгача бўлган футболчилар ўртасидаги турнирларда 400 гол ургани билан машҳур.
18 ёшли футболчи катталар ўртасидаги фаолиятини ҳам эрта бошлади ва дастлабки 17 та ўйинда рақиблар дарвозасини 8 маротаба ишғол қилди.
Бир неча манбаларнинг маълум қилишича, Луковичнинг ўйинларини баҳолаш учун Англия, Германия, Голландия ва Россия клублари ўз скаутларини мунтазам юбормоқда.
“Челси” мутасаддилари истеъдодли футболчини ўз сафига қўшиб олиб, маҳоратини олиш учун кучли бешлик лигасидаги жамоалардан бирига маълум муддат ижарага жўнатишни режалаштиряпти.