"Бухоро" - ОКМК беллашуви Олмалиқда ўтказилади

Ўзбекистон кубоги 1/8 финалидан ўрин олган "Бухоро" - ОКМК ўйини 25 июнь куни Олмалиқ шаҳрида бўлиб ўтади. Бу ҳақда ЎзПФЛ матбуот хизмати хабар берди.

"Бухоро" клубининг уй стадиони мавсумга тайёр бўлмаганлигидан келиб чиқиб, жамоалар учрашувни ОКМК спорт мажмуасида ўтказиш бўйича келишувга эришган.

Маълумот учун, турнирнинг 1/8 финал баҳслари 8 июнда старт олган. Кейинги босқич учун йўлланмани ҳозирча фақатгина "Динамо" клуби қўлга киритган.