Бутунжаҳон армия ўйинлари. Светлана Осиповада ҳам олтин медаль!
- 24-октябр 2019, 14:58
- 0
- Яккакурашлар
Хитойнинг Ухань шаҳрида VII Бутунжаҳон армия ўйинлари давом этмоқда.
+73 кг вазн тоифасида юртимиз шарафини ҳимоя қилувчи Светлана Осипова финалда франциялик Солене Авоулетте билан жанг қилди. Кескин курашларга бой баҳсда ҳамюртимиз 8:3 ҳисобида ғалаба қозонди ва чемпионга айланди!
Бунга қадар Осипова мусобақада италиялик Лаура Жиакоминини (9:2), россиялик Олга Музичкани (13:1) мағлуб этган эди.
Кеча таэквондочилардан Мадинабону Маннопова, бугун Улуғбек Рашитов олтин медалларни қўлга киритганди. Сардор Тоиров эса кумуш медалга эга чиққанди.
Манба: Ўзбекистон таэквондо WT ассоциацияси матбуот хизмати
Изоҳлар (0)
Ҳозирча изоҳлар йўқ