"Бунёдкор" назорат учрашувида ғалаба қозонди. "Қалдирғочлар" кўригида янги футболчилар бор

Янги мавсумга тайёргарлик кўраётган "Бунёдкор" жамоаси бугун навбатдаги назорат ўйинида майдонга тушди. Бу ҳақда клуб матбуот хизмати хабар берди.

Биринчи лига вакили “Нефтгазмонтаж”га қарши баҳс юритган “қалдирғочлар” ғалаба қозонди. Пойтахтликлар кўригида бўлиб турган Зоҳир Пиримов ва Ҳусайн Эргашбоев томонидан урилган голлар ўйин тақдирини ҳал қилди.

Жамоа Туркия сафари олдидан сўнгги назорат ўйинини 2 февраль куни “Қизилқум”га қарши ўтказади.

НАЗОРАТ УЧРАШУВИ

“БУНЁДКОР” - “НЕФТГАЗМОНТАЖ” - 2:0

Голлар: Зоҳир Пиримов, Ҳусайн Эргашбоев

“Бунёдкор”: Зафар Сафоев, Муҳаммадодил Қахрамонов, Дилшод Жўраев, Давронжон Эргашев, Сардор Хурсандов, Одил Абдураҳмонов, Суҳроб Иззатов, Расул Йўлдошев, Зоҳир Пиримов, Никита Павленко, Усмонали Исмоналиев.

Захирадан тушганлар: Сарвар Каримов, Суҳроб Султонов, Хуршид Убайдуллаев, Алфайзи Неъматов, Сирожиддин Башриддинов, Умид Султонов, Музаффар Олимжонов, Икром Эркинов, Ҳусайн Эргашбоев, Жаҳонгир Ўрозов, Билол Туплиев.