"Бунёдкор" - "Насаф" беллашуви ЖАР стадионида ўтадиган бўлди

Суперлига 20- туридан ўрин олган "Бунёдкор" -  "Насаф" ўйинига аввалдан белгиланганидек, "Бунёдкор" эмас, ЖАР стадиони мезбонлик қиладиган бўлди. Беллашув 28 сентябрь куни соат 17:00 да старт олади.

10 октябрь куни "Бунёдкор" стадионида Ўзбекистон миллий терма жамоаси Жахон чемпионати-2026 саралаши доирасида Эронни қабул қилади. Айни вақтда майса билан богғлиқ муаммолар мутахассислар томонидан бартараф қилинган. Шундай бўлса-да, чим энг оптимал ҳолатга келиб олиши учун ФИФА кунларига қадар расмий учрашув ўтказмасликка қарор қилинди.

"Бунёдкор" - "Насаф" беллашувининг чипталари эса, 28 сентябрь куни соат 10:00 дан бошлаб ЖАР стадиони кассаларида сотувга чиқади.