Буни Роналдудан бошқа ҳеч ким қилолмаган!
- 10-январ 2025, 08:28
- Zohir Toshxo’jayev
- 0
- Футбол
Саудия Арабистони Профессионал лигасининг 14-турида “Ан-Наср” жамоаси “Ал-Уҳдуд” билан куч синашиб, 3:1 ҳисобида иродали ғалабага эришди.
Риёдликларга Садио Маненинг икки ва Криштиану Роналдунинг бир голи ғалаба келтирди. Пенальтидан киритилган тўп 39 ёшли португалиялик ҳужумчи учун 2025 йилдаги дастлабки гол бўлди.
Айнан мана шу аниқ зарба Роналдунинг номини яна бир карра тарихга муҳрлади. Криштиану 24 йилдан бери узлуксиз гол ураётган биринчи ва ягона футболчига айланди.
Моҳир ҳужумчи илк тўпини 2002 йили “Спортинг” сафида киритган эди. Умумий статистика қуйидаги суратда намоён бўлади.
Роналду фаолияти давомида “Спортинг”, “Манчестер Юнайтед”, “Реал”, “Ювентус” ва “Ан-Наср” жамоалари таркибида жами 782 та гол урган. Португалия терма жамоасида эса, рақиблар дарвозасини 135 марта ишғол қилган.