Бундеслига. "Боруссия Дортмунд" "Мюнхенгладбах"ни ишончли ҳисобда таслим этди

Бундеслига 15-турнинг илк беллашувида "Боруссия Дортмунд" ўз майдонида "Боруссия Мюнхенгладбах"ни 2:0 ҳисобида мағлубиятга учратиб, 3 очкони қўлга киритди. 
 
Тўқнашувнинг илк голи 10-дақиқада Юлиан Брандт томонидан киритилди. Иккинчи голни эса мухлислар ўйиннинг сўнгги дақиқаларида томоша қилишди. 90+7-дақиқада Максимилиан Байер дортмундликларнинг иккинчи голига муаллифлик қилди. 
 
Маълумот ўрнида, "арилар" ушбу ғалаба орқали очколар сонини 32 тага етказиб олди. Жамоа пешқадам "Бавария"дан 6 очко ортда, 3-ўриндаги "Лейпциг"дан эса 3 очко олдинда.