Бугун Жасур Яхшибоев жамоаси ўйнайди. Рақиб анча жиддий

"Шериф" бугун Молдова чемпионати доирасида "Милсами" билан куч синашади. Жасур Яхшибоев ҳаракат қилаётган "Шериф" сафарда ўйнайди.

Учрашув Тошкент вақти билан 20:00да бошланади. Беллашувда ҳамюртимиз иштирок эта олмаслиги мумкин. Сабаби унда жароҳат борлиги маълум қилинди. Шу боис Яхшибоев Ўзбекистон миллий терма жамоасининг октябрь ойидаги йиғинида қатнаша олмайди.

"Шериф" Молдова чемпионатида 8 ўйинда 19 очко билан 3-ўринда бормоқда. "Милсами" 11 учрашувда 29 очко жамғарган ҳолда 2-поғонани банд этган. Бу эса беллашув анча кескин ўтишини кўрсатмоқда.