Бугун ЕЧЛ чорак финалининг жавоб баҳслари ўтказилади

Бугун УЕФА Чемпионлар лигасининг чорак финал жавоб ўйинидан ўрин олган 2 та учрашув бўлиб ўтади. Жумладан, ПСЖ ўз майдонида “Бавария”ни, “Челси” эса “Порту”ни қабул қилади.

Мюнхенда ўтган дастлабки баҳс 2:3 ҳисобида ПСЖнинг ғалабаси билан якунланган эди. Ўша ўйинда парижликлар сафида Килиан Мбаппе дубль муаллифига айланган бўлса, яна бир гол Маркос Корреа ҳисобига ёзилган эди. “Бавария”нинг икки голини Эрик Шупо-Мотинг ҳамда Томас Мюллер киритган.

“Рамон Санчес Писхуан” ўйингоҳида кечган беллашувда 0:2 ҳисобида “аристократлар”нинг қўли баланд келган эди. Ўшанда “Челси”нинг голларини Мейсон Маунт ҳамда Бенжамин Чилвелл киритган.

Юқоридаги ҳар иккала учрашув ҳам бугун Тошкент вақти билан соат 00:00 да бошланади. Ушбу беллашувларни Узрепорт ҳамда Футбол ТВ телеканаллари орқали жонли эфирда томоша қилишингиз мумкин.

{game}3557616{/game}

{game}3557614{/game}