Бугун Бундеслига янги мавсумига старт берилади. Европа лигаси ғолиблари Германия чемпионларига қарши ўйнайди!

Бугун Германия Бундеслигаси 2022/2023 йилги мавсумига старт берилади. Кун доирасида битта ўйин бўлиб ўтиши режалаштирилган. 

Унда чемпионатнинг икки кучли клуби ўзаро баҳс олиб боради. "Айнтрахт" - "Бавария" ўйини янги мавсумнинг илк учрашуви бўлади. Беллашув 23:30 да старт олади.  

Маълумот ўрнида, "Айнтрахт" ўтган мавсум Бундеслигада 42 очко билан 11-ўринни эгаллаганди. "Бавария" 77 очко тўплаган ҳолда, чемпионликни қўлга киритган.