Бугун 5 та медаль қўлга киритган Ўзбекистон умумжамоа ҳисобида нечанчи ўринга кўтарилди?

Бугун бўлиб ўтган тарихий кунги беллашувлардан сўнг Ўзбекистон делегацияси умумжамоа ҳисобида 1-поғона юқорилади ва 13-ўринга кўтарилди. Разамбек Жамалов, Абдумалик Халоков ва Баҳодир Жалоловнинг олтинлари, Акбар Жўраев ҳамда Светлана Осипованинг кумуш медалидан сўнг делегациямиз ҳисобидаги медаллар сони 13 тага етди. Шундан 8 таси олтин, 2 таси кумуш ва 3 таси бронза медалларидир!

Рўйхатни эса 39 та олтин медаль билан Хитой терма жамоаси бошқариб бормоқда. АҚШ терма жамоаси эса 38 та олтин билан пешқадамни таъқиб қилиб келяпти. Кучли учликни 18 та олтини бор Австралия эгаллаб турибди.