Бу юлдуз ҳали Мессига етишига сал бор экан
- 7-май 2025, 06:08
- Zohir Toshxo’jayev
- 0
- Футбол
Европа чемпионар лигасининг ярим финал жавоб учрашувида “Интер” ўз майдонида “Барселона” футболчиларини қабул қилди. Ҳар икки ўйин бир хил – 3:3 натижаси билан якунланди ва ғолибни аниқлаш учун ўтказилган қўшимча таймларда Давиде Фраттезининг голи миланликларни финалга олиб чиқди.
Учрашувда “Барселона” етакчиси Ламин Ямал каталонияликлар афсонаси Лионель Мессининг тарихий рекордини янгилашга жуда яқин келди.
Гап шундаки, 17 ёшли футболчи “Интер” вакилларини 14 маротаба алдаб ўтди. Бу Чемпионлар лигаси ярим финаллари тарихидаги иккинчи кўрсаткич сифатида қайд этилди.
Бу борада мутлақ рекорд Лионель Мессига тегишли. Айни пайтда АҚШ майдонларида жавлон ураётган аргентиналик юлдуз 2008 йили “Барселона”нинг “Манчестер Юнайтед”га қарши Чемпионлар лигаси ярим финалидаги учрашувида рақиб футболчиларини дриблинг ёрдамида 16 марта алдаб ўтган.
Жаҳон футбол жамоатчилиги Ламин Ямални “Мессининг вориси” сифатида кўраётган бугунги кунда испан футболчиси саккиз карра “Олтин тўп” соҳиби даражасидаги етишига ҳали вақт бор экани намоён бўлди.