Бу қарор "Барселона"га ёқмади

"Барселона" ўнг қанот ҳимоячиси Дани Алвеснинг дисквалификациясини енгиллаштиришни сўрамоқчи.

Эслатиб ўтамиз, 38 ёшли футболчи якшанба куни бўлиб ўтган "Атлетико"га (4:2) қарши ўйинда рақиб футболчисига жиддий қўполлик қилгани учун тўғридан-тўғри қизил карточка олган эди. Бундай вазиятда эса футболчи икки ўйинга дисквалификация қилиниши белгиланган.

“Барселона” ушбу қарор устидан апелляция эълон қилди.

Агар бразилиялик футболчига нисбатан санкциялар ўз кучида қолса, у "Эспаньол" ва "Валенсия"га қарши ўйинларда жамоасига ёрдам беролмайди.

Таъкидлаш керакки,  Алвес "Барса"га қайтганидан буён 5 учрашувда 1 та гол урди ва 3 та голли узатмани амалга оширди.