Бу ишдан кейин “Барса” мухлислари Рафиньяга қарши боролмайди
- 3-феврал 2025, 10:05
- Zohir Toshxo’jayev
- 0
- Футбол
Жорий мавсумда “Барселона” етакчиларидан бирига айланган Рафинья клуб мухлислари ҳеч қачон унутмайдиган ишга қўл урди.
Гап шундаки, “Барселона”га мухлислик қиладиган гуруҳлардан бири 21 минг евро миқдорида жарима тортилган эди. Рафинья клуб хўжайини Жоан Лапортага мурожаат қилиб, бу суммани ўзи тўлаб беришини билдирган.
Ушбу воқеа ҳақида таниқли журналист Хави Эспиноза маълум қилди.
Мухлислар қоидаларни бузгани учун жарима тортилган. “Барселона” мутасаддилари улардан жаримани тўлашни талаб қилган. Фанатларга бу ёқмаган ва улар клубга нисбатан норозилик ва эътирозларини билдирган.
Келишмовчилик туфайли клуб жаримага тортилган мухлислар ҳаракатининг стадионга киришини таъқиқлаб қўйган эди. Рафинья ўз чўнтагидан пул тўлаб, мана шу муаммони ҳал қилиб бермоқчи.