“Челси” раҳбарияти жамоага кўп гол уришга қодир ҳужумчи қидиришда давом этмоқда.
Манбаларнинг таъкидлашича, асосий нишон сифатида “Наполи” тўпурари Виктор Осимхен рўйхатга киритилган. Лекин нигериялик ҳужумчи “аристократлар”га қимматлик қилиши мумкин.
Бундан ташқари, А Серия тўпурарига бошқа гранд клублар ҳам даъвогарлик қилмоқда. Шу боис, “Челси” раҳбарияти ўз тарбияланувчиси Тэмми Абрахамни ортга қайтиришни мўлжаллаяпти.
Лондонликлар 2021 йилнинг ёзида “Интер”дан Ромелу Лукакуни олиб келганидан кейин таркибдан жой етмаган Тэмми Абрахамни “Рома”га сотиб юборган эди. Англия клубида футболчини ёзда 80 миллион еврога қайта сотиб олиш ҳуқуқи бор.
Айни пайтда бу суммани пасайтириш имкони ҳам бор. Тэмми Абрахам Италиядаги иккинчи мавсумида сермаҳсуллик кўрсата олгани йўқ. Унинг нархи 40-45 миллион евро атрофида баҳоланмоқда.