Бруну Фернандеш Гвардиола жамоасига қарши ўйинларда рекорд ўрнатди

"Манчестер Юнайтед" ярим ҳимоячиси Бруну Фернандеш Гвардиола жамоаларига қарши ўйинларда ўзига хос натижа қайд этди.

Манкуниянликлар сардори Бруну Фернандеш "Манчестер Сити"га қарши дербининг қаҳрамонларидан бирига айланди. Учрашувнинг 65-дақиқасида унинг узатмасидан сўнг Брайан Мбемо гол уриб ҳисобни очган эди. Таъкидланишича, Фернандеш Премьер-лигада Хосеп Гвардиоланинг "Манчестер Сити"сига қарши ўйинида голли вазият яратиш бўйича етакчига айланиб олди. У "шаҳарликлар" билан ўйинда тўртта гол+ассист қайд этди. Бунгача рекордчилар, Сон Хин Мин ва Рауль Хименес эди. Улар ҳисобида 3тадан гол+пас бор. 

Маълумот учун, Гвардиола "Манчестер Сити"ни 2016 йилдан буён бошқариб келмоқда. Бруну эса "қизил иблислар" сафига 2020 йилда келиб қўшилган.