Бир жамоанинг икки юлдузи “Барса”га текинга ўтади

“Барселона” ёзда икки юлдузга эга бўлиши мумкин. “Бавария” билан шартномаси якунланаётган ярим ҳимоячи Йозуа Киммих ва ҳужумкор футболчи Лерой Сане фаолиятини Каталонияда давом эттиришга рози бўлгани айтилмоқда.

Transfer News Live ва El Nacional каби манбаларнинг ёзишича, ҳар икки футболчи собиқ устозлари Ханс-Дитер Флик билан яна бирга ишлаш учун Испания чемпионатига кўчиб ўтишни маъқул кўряпти.

Таъкидлаш жоизки, “Барселона” ҳали ҳам иқтисодий инқироздан қутилгани йўқ ва кейинги пайтда эркин агентларни трансфер қилиш усулидан кўп фойдаланяпти.

Бир неча позицияда тўп тепа оладиган Киммих илгари “Штутгарт” ва “Лейпциг”да ўйнаган. 29 ёшли футболчи “Бавария”га 2015 йили 8,5 миллион еврога олиб келинган эди.

29 ёшли Лерой Сане эса, “Шальке” тарбияланувчиси. Мюнхенга келгунга қадар 2016-2020 йиллар давомида “Манчестер Сити”да порлаган.