Бензема “Реал”га қайтадиган бўлди
- 18-январ, 09:22
- Zohir Toshxo’jayev
- 0
- Футбол
“Реал” тарихидаги энг кучли ҳужумчилардан ҳисобланган Карим Бензема Мадриддан кетганидан бери фаолиятини Саудия Арабистонининг “Ал-Иттиҳод” клубида давом эттириб келмоқда.
Журналист Хорхе Пиконнинг хабар беришича, 38 ёшли Карим Бензема профессионал фаолиятини якунлагандан кейин “Реал”да ишлайди. Франциялик тўпурар “Қироллик клуби”нинг расмий элчиси мақомида фаолият юритади.
Манбага кўра, Каримнинг ўзи клуб вакиллари билан ўтказилган музокараларда бу вазифани қабул қилишга рози эканини билдирган.
Бензема 2009–2023 йиллар давомида “Реал” шарафини ҳимоя қилган ва бу давр ичида 25 та совринни қўлга киритган. Улар орасида беш марта Европа Чемпионлар лигаси, тўрт марта Испания чемпионлиги ҳам бор.
38 ёшли ҳужумчининг “Ал-Иттиҳод” клуби билан амалдаги шартномаси 2026 йилнинг 30 июнида якунланади. Аввалроқ шайхлар Бенземага 2028 йил ёзигача амал қиладиган янги шартнома таклиф қилгани ҳақида хабарлар тарқатилган эди. Бундан ташқари, Каримни тарбиялаган “Лион” клуби ҳам ҳужумчини Францияга чемпионатига келиб, жамоага ёрдам беришга чорлаяпти.