Бензема "Реал" учун ўйнашдан зерикдими? Дешам жавоб берди

Франция терма жамоаси бош мураббийи Дидье Дешам жамоа етакчиси Карим Бензема тўғрисида ўз фикрларини билдириб ўтди.

"У Жаҳон чемпионати ўзи учун муҳим мусобақа эканини яхши билади. У ҳамма қатори 22 ноябрь санасига тайёр бўлиш учун ҳамма нарса қилишга шай ҳолатда. 

Бензема "Реал" учун ўйнашдан зерикди, деган гапларга умуман қўшилмайман. У шунчаки жароҳатидан тикланиб улгурмаяпти. 

Ишончим комил, Карим мундиалга тайёр ҳолатда етиб келади. У биз учун катта аҳамиятга эга футболчи", - деди мутахассис.

Эслатиб ўтамиз, Франция Жаҳон чемпионати илк турида Австралияга қарши саф тортади. Баҳс 22-дан 23 ноябрга ўтар кечаси 00:00 да старт олади.