Беллингем янги жамоа танлагани келди
- 26-май 2025, 23:28
- Zohir Toshxo’jayev
- 0
- Футбол
“Реал” юлдузи Жуд Беллингемнинг укаси Жоб профессионал фаолиятида акасининг йўлини танламоқчи.
Англия Чемпионшипида “Сандерленд” жамоаси шарафини ҳимоя қилган Жоб Беллингем фаолиятини янги босқичга кўтариш учун Германия Бундеслигасидан жамоа танлайдиган бўлди.
Таниқли журналист Флориан Плеттенбергнинг ёзишича, 19 ёшли футболчи Германияга келди. Жоб бу ерда Франкфуртнинг “Айнтрахт” жамоаси фаолияти билан танишади ва клуб билан ҳамкорлик масаласини муҳокама қилади.
Манбага кўра, кичик Беллингемга “Боруссия Дортмунд” ва “Лейациг” ҳам жиддий қизиқиш билдирмоқда.
Таъкидлаш жоизки, Жуд Беллингем ҳам Англиядан Германия Бундеслигасига кўчиб ўтган ва “Боруссия Дортмунд”да тажриба оширганидан кейин “Реал” сафига қўшилган эди.
Жоб якунланган мавсумда “Сандерленд” таркибида барча турнирларда 43 марта майдонга тушиб, тўртта гол ва учта ассист муаллифи бўлди.