"Бавария" уни текинга қўйиб юборади
- 6-апрел 2021, 12:15
- Baxtiyorjon Toshtemirov
- 0
- Футбол
Германиялик ҳимоячи Жером Боатенг мавсум якунлангач, “Бавария”ни тарк этади.
Kicker нашри тарқатган хабарга қараганда, мюнхенликлар раҳбарияти ёзда шартномаси якунланадиган 32 ёшли футболчи билан келишувни узайтирмасликка қарор қилган. Бу ҳақда Боатенгнинг вакилларига ҳам хабар берилган. Энди у ёзда эркин агентга айланади ва янги жамоаси сафига текинга бориб қўшилади.
Боатенг “Бавария” шарафини 10 йилдан буён ҳимоя қилиб келмоқда. У ўтган давр мобайнида 8 марта Германия чемпионлигини қўлга киритди. Бундан ташқари 2 марта УЕФА Чемпионлар лигаси, УЕФА Суперкубоги ва клублар ўртасидаги жаҳон чемпионати ғолиби бўлди.
Жером Боатенг жорий мавсум 29 та ўйинда майдонга тушди ва 3 та гол урди. “Бавария” эса 27 турдан сўнг Бундеслигада 64 очко тўплаган ҳолда пешқадамлик қилмоқда.