"Бавария" Левандовскининг голлари туфайли финалга йўл олди!

Хабарингиз бор, айни дам Қатарда клублар ўртасидаги жаҳон чемпионати давом этмоқда. Бугун "Бавария" ушбу турнирдаги ўз юришини бошлади. "Немис машинаси" турнирнинг ярим финал баҳсида Мисрнинг "Ал-Аҳли" жамоаси билан ўйин ўтказди ҳамда Левандовскининг 2 голи эвазига ғалабага эришди.

 

Ушбу ғалабадан сўнг, мюнхенликлар клублар ўртасидаги ЖЧ финалига йўл олди. Соврин учун курашда мюнхенликларга КОНКАКАФнинг "Тигрес" жамоаси қаршилик қилади. Ушбу баҳс 11 февраль куни соат 23:00да старт олади.