"Барселона"га Виллиан керак эмас

Каталониянинг "Барселона" клуби "Челси" ярим ҳимоячиси Виллианни таркибга қўшиб олиш фикридан қайтди.

Daily Mail нашри тарқатган хабарга кўра, “кўк-анор ранглилар” ёзда эркин агентга айланадиган футболчи билан шартнома имзолашни режалаштиришаётган эди, аммо, инқироз даврида Виллианнинг қўяётган молиявий талаблари “Барселона”га маъқул келмаган.

Виллиан жорий мавсум “Челси” сафида 37 та ўйинда майдонга тушди ва ўз ҳисобига 7 та гол ҳамда 6 та голли узатма ёздириб қўйишга эришди. Унга "Тоттенхэм"дан ҳам қизиқишлар бор.