"Барселона" маслаҳатчиси: "Ҳакам "Реал" дарвозасига 3 та пенальти белгиламади"
- 30-апрел 2025, 18:38
- Ali Ahmadxo’jayev
- 1
- Футбол
"Барселона" раҳбарияти маслаҳатчиси Энрик Масип "Реал"га қарши финалда ҳакам рақиблар дарвозаси томон 3 та пенальти бермаганини ҳақида гапирди.
Эслатиб ўтамиз, каталонияликлар "қироллик клуби" устидан 3:2 ҳисобида ғалаба қозониб, "Copa del Rey" соҳибига айланишди.
"Мен "Барселона" фойдасига берилиши керак бўлган 3 та пенальтини кўрдим, аммо улар берилмади.
Чемпионатда бундай ҳолатлар ВАР орқали кўриб чиқиларди. Аммо бу сафар ҳакамларга шунчалик босим бўлдики, улар пенальти берса, ҳамма "Реал"нинг гаплари рост эди, дейиши мумкин эди", — деди "Барселона" президенти Жоан Лапорта маслаҳатчиси "Radioestadio Noche" эфирида.
"Эл-Класико"дан аввал "Реал Мадрид" клуб телеканалида ҳакам Бенгоенчея ҳақида танқидий лавҳалар намойиш этилган эди. Ўйиндан кейин ҳам Реал Мадрид ТВ ҳакамларни танқид қилишда давом этди.