“Барса”нинг энг бадавлат юлдузи ким? Ким қанча маош оляпти?

Capology нашри Испания чемпионатининг энг машҳур клубларидан “Барселона”да  энг кўп маош олаётган ўн нафар ўйинчи рўйхатини эълон қилди.

Каталонияликлар молиявий қийинчиликларга қарамай, 36 ёшли ҳужумчи Роберт Левандовскига 33,3 миллион евро йиллик маош тўлаб келмоқда.

Таъкидлаш жоизки, ёши ўтиб қолаётган польшалик футболчи “Реал”нинг янги юлдузи Килиан Мбаппедан ҳам кўп маош олади.

Кейинги ўринларда “Барселона”га умуман ёрдами тегмаётган икки юлдуз – Френки де Йонг ва Ансу Фати қайд этилган.

“Барселона”нинг энг катта маош олаётган ўн нафар ўйинчиси рўйхати қуйидагича кўриниш олди:

Роберт Левандовски — € 33,3 млн;

Френки де Йонг — € 19 млн;

Ансу Фати — € 13,9 млн;

Жюль Кунде — € 13,5 млн;

Рафинья — € 12,5 млн;

Ферран Торрес — € 10 млн;

Педри — € 9,3 млн;

Даниэль Ольмо — € 9,3 млн;

Иньиго Мартинес — € 9,3 млн;

Андреас Кристенсен — € 9 млн.