“Барса”дан чиққан юлдуз кутилмаганда футболдан кетадиган бўлди

“Барселона”даги ёрқин фаолиятидан кейин Лионель Месси ортидан МЛСнинг “Интер Майами” клубига йўл олган Жорди Альба жорий мавсум якунланиши  билан бутсаларини михга илишини маълум қилди.

Испаниялик футболчи 2025 йилнинг май ойида клуб билан амалдаги шартномасини 2027 йилнинг 31 декабрига қадар узайтирган эди. Бироқ қисқа фурсатда унинг режаси ўзгарди.

-  Ҳаммага салом, ҳаётимнинг муҳим босқичида ўтадиган пайтим келди. Жорий мавсум якунланиши билан футболчилик фаолиятимни тўхтатишга қарор қилдим. Буни тоза виждон билан, хурсан ва хотиржам ҳолда амалга ошираман.

“Барселона”га бу клуб ҳаётим мазмуни эканини,  менинг ўсиб-улғайишимни кўрган, менга фаолиятим чўққисини забт этишга ёрдам берган, ўн йиллар ёрқин хотира бағишлаган ва барча совринларни ютишга имкон берганини эътироф этишни истайман.

Испания терма жамоаси ҳақида гапирсам, унинг футболкасини кийиш менга фахр бағишлашини ва унинг таркибида тарихнинг бир бўлаганига айланганимдан миннатдор эканимни айтишим лозим.

Ниҳоят, “Интер Майами”га менга эшикларини очгани, меҳр билан қарши олгани ва ҳар бир лаҳзадан лаззат олиш имконини бергани  учун катта раҳмат.

Мухлислардан менга бўлган меҳр-муҳаббатлари учун миннатдорман. Сизлар менга футболкани шунчаки кийишни эмас, уни чиқ қалбдан ҳис қилишни ўргатдингиз, - деди Жорди Альба.