“Барса” юлдузлари: Бу ишкал футболчи “Реал”га қарши ўйнамасин!
- 10-май 2025, 13:16
- Zohir Toshxo’jayev
- 0
- Футбол
“Барселона” Испания чемпионатининг навбатдаги турида “Камп Ноу”да ашаддий рақиб ва асосий таъқибчи “Реал” футболчилари билан куч синашади.
El Nacional нашрининг ёзишича, каталонияликлар чарм тўп усталари 11 май куни бўладиган учрашув олдидан бош мураббий Ханс-Дитер Фликка мурожаат қилиб, бўлажак тўқнашувда Рональд Араухони майдонга туширмасликни сўраган.
Жамоа етакчилари уругвайлик марказий ҳимоячи Европа Чемпионлар лигаси ярим финал жавоб учрашувида “Интер”га қарши учрашувда захирадан ўйинга қўшилганидан кейин ишончни оқлай олмаганини таъкидлаяпти.
Таъкидлаш жоизки, Милан шаҳридаги баҳсда ҳисобда олдинда бораётган “Барселона” учрашув якунланиши арафасида Араухонинг хатоси туфайли гол ўтказиб юборди. Асосий вақтда ҳисобни тенглаштириб олган “Интер” қўшимча таймларда ғалаба тўпини киритиб, финалга йўлланма олди.