“Барса” ёзда икки суперҳужумчига эга бўлади

“Барселона” ёзги трансферлар вақтида икки суперҳужумчи – Серхио Агуэро ва Мемфис Депай билан шартнома имзолашга тайёргарлик кўрмоқда. Аргентиналик ҳужумчи “Манчестер Сити”дан, нидерландиялик тўпурар “Лион”дан эркин агент мақомида кетмоқда.

Маълумотларга қараганда, каталонияликлар ҳар икки футболчи билан 2023 йилнинг ярмигача давом этадиган битим тузишни режалаштирган.

Мемфис Депай “Лион” таркибида 2017 йилдан бери тўп тепяпти. Жорий мавсумда Франция чемпионатида 36 та баҳсда майдонга тушиб, 20 та гол урди ва 10 та голли пас оширди.

Агуэро эса 2011 йили “Манчестер Сити” таркибига қўшилганидан кейин клуб тарихида энг яхши тўпурарга айланди. Бироқ, сўнгги пайтда кўп жароҳат олаётгани боис, асосий таркибга кира олмаяпти. Жорий мавсумда у 11 та ўйинда иккита гол урди холос.