“Барса” янги юлдуз топди. Лекин...
- 23-феврал 2025, 18:07
- Zohir Toshxo’jayev
- 0
- Футбол
“Барселона” таркибини кучайтириш мақсадида Европа футболида порлаётган ёш ўйинчилар атрофидаги вазиятни ҳам кузатмоқда.
El Nacional нашрининг маълум қилишича, каталонияликлар нишонига “Ювентус”нинг 19 ёшли қанот ҳужумчиси Кенан Йилдиз тушган.
Манбага кўра, айни пайтда “Барселона” турк футболчисини олиш усулларини ўрганиб чиқмоқда. Экспертлар бу трансферни амалга ошириш Каталония суперклубига оғирлик қилишини таъкидламоқда.
“Ювентус” молиявий аҳволини яхшилаб олиш учун Кенан Йилдизни сотиб юборишга тайёр. Туринликлар 80 миллион евродан бошланган ҳар қандай таклифни кўриб чиқишини маълум қилди.
Агар “Барселона” Кенан Йилдиз каби қиммат баҳоланаётган ўйинчилардан бирини оладиган бўлса, ҳозир таркибидан бир неча ўйинчиларни сотиб юборишига тўғри келади.
Йилдизнинг туринликлар билан амалдаги шартномаси 2029 йилнинг ёзигача тузилган. Гарчи Transfermarkt порталида унинг трансфер нархи 45 миллион евро эканини кўрсатилган бўлса-да, “Ювентус” хўжайинлари янги авлод футболчисини икки баравар қимматига сотмоқчи.