"Барса" Рафиньяни жамоада олиб қолиш йўлини топди
- 9-март 2025, 14:50
- Bilolbek Imomov
- 0
- Футбол
"Барселона" Рафиньяни жамоада сақлаб қолиш учун уни энг кўп маош олувчи футболчилардан бирига айлантиради
Испаниянинг "Барселона" клуби бразилиялик вингер Рафинья билан янги шартнома имзолашни режалаштирмоқда. Бу келишув футболчини жамоанинг энг кўп маош оладиган футболчиларидан бирига айлантиради.
Хабарингиз бор, ўтган мавсумда Саудия Арабистонининг "Ал-Ҳилол" клуби Рафиньянинг трансфери учун "кўк-анорранглилар"га 100 миллион евро таклиф қилган ва унга йилига 15 миллион евро маош тўлашга тайёр эканини билдирган эди.
Ҳозирча Саудия клубларидан расмий таклифлар йўқ, аммо "Барселона" футболчини жамоада сақлаб қолиш ниятида. Шу сабабли, каталонияликлар унга яхшиланган шартлар билан янги шартнома таклиф қилишни режалаштирмоқда. Шу билан бирга, ҳужумчининг ўзи ҳам Испанияни тарк этмоқчи эмас.
26 ёшли ўйинчи жорий мавсум каталонияликлар сафида 40 та учрашувда иштирок этиб, 25 та гол ва 18 та голли узатмага муаллифлик қилган. Унинг клуб билан амалдаги шартномаси 2027 йилгача мўлжалланган бўлиб, Тransfermarkt порталидаги нархи 80 миллион евро деб баҳоланмоқда.