“Барса” Рафинья ўрнига “Сити”дан ўйинчи олади
- 4-декабр 2025, 07:00
- Zohir Toshxo’jayev
- 0
- Футбол
“Манчестер Сити”нинг бразилиялик легионери Савио фаолиятини Испания чемпионатида давом эттириш имкониятига эга бўлмоқда. Чунки ҳужумкор футболчи “Барселона” нишонига тушди.
Transfer News Live ва Fichajes каби нашрларнинг хабар беришича, Каталония грандининг спорт директори Деку 21 ёшли Савиони келаси йили “Барса”дан кетиши мумкин бўлган Рафинья Диаснинг ўрнига энг муносиб номзод сифатида кўрмоқда.
“Кўк-анорранглилар”нинг ҳозирги етакчисига Саудия Арабистонидан талаб бор. “Барса”нинг молиявий қийинчиликларини ҳисобга олган ҳолда, фойдали таклиф қабул қилиниши эҳтимолдан узоқ эмас.
Савио доим ҳам Хосеп Гвардиола жамоасининг асосий таркибига кира олмаяпти, шу сабабли ёш ўйинчининг тез орада клубдан кетиши ҳақида хабарлар чиқа бошлади.
Ёш бразилияликнинг Transfermarkt порталидаги нархи 50 миллион еврога баҳоланган.