"Барса" Никони олса олсин, йўқса бошқа даъвогарлар бор!

Испания терма жамоаси ва "Атлетик Бильбао" вингери Нико Уильямсга айни дамда бир қанча клублар қизиқиш билдирмоқда.

Айни дамга келиб, унга асосий даъвогар "Барселона" бўлиб турибди. Аммо Каталония жамоаси тезроқ трансферни ҳал қилмаса, Никони бошқа гранд клублар илиб кетиши мумкин.

"Marca" нашри хабарига кўра, "Атлетик" вингерига "Ливерпуль", "Челси", "Бавария" ва ПСЖ клублари қизиқиш билдирмоқда. Уильямснинг шартномасидаги товон пули 58 миллион евро.

Кеча "Барселона" президенти Жоан Лапорта Никони қўлга киритиш истаги борлигини маълум қилди. "Кшк-анорранглилар" футболчи учун жиддий курашга киришиши керак бўлади.

Никонинг ўз ҳам "Барса"га ўтишга қарши эмас. Сабаби, у терма жамоадаги дўстлари Ямал, Ферран ва Педри билан клубда ҳам бирга ўйнаш истагида.

Маълумот ўрнида, 21 ёшли вингер Ла Лигада 31 та ўйин ўтказиб, 5 та гол ва 11 та ассист қайд этди.